E militante è i militanti di A Manca chjamanu à tutte quelle è tutti quelli chì cunsidareghjanu a lingua corsa cum’è unu di i puntelli di a nostra sucetà à manifestà oghje à 2 ore in Bastia à fiancu di Scola corsa, davant’à u palazzu di ghjustizia.
Minacciata ch’ella hè a lingua, sparghje issu piriculu nant’à a cultura sana di un’ populu dighjà spapersu trà e difficultà suciale è ambientale oghjinche (manghjà, travaglià, piazzà si…) è una sculturazione massiccia nata da u tuttu turisimu è da u soldu rè valurizatu da un’ capitalisimu sfruttatore.
Noi chì difendemu una sucetà sulidaria è sbarrazzata da tutte e forme d’oppressione, saremu in carrughju oghje in Bastia cum’è no semu tutti i ghjorni nant’à u tarrenu prufessiunale in difesa di e filiere bislingue in a scola pubblica aparta à tutte è tutti chì ferma un’ mudellu di parità da prumove è sustene.
Inde stu mudellu bislingu in crisa di criscenza, a spirienza immersiva ùn pò esse cà un’ arricchimentu da valurizà.
A scrivemu franca è chjara, purtemu di modu generale a rivindicazione di l’amparera obligatoria di a nostra lingua in casa soia.
Morta a lingua, spentu u populu
A Manca