Risultatu di u sicondu giru (6 maghju 2012) di e prisidenziale francese
éactions 1 Commentaire
A Manca vole manifestà a so cuntintezza davant’à a scunfitta eletturale patuta issu 6 di maghju di u 2012 da Nicolas Sarkozy è da l’inseme di u Statu UMP. Quelli chì anu messu a Corsica à caternu dipoi 10 anni lascianu u putere, era ora !
A dritta in Corsica perde un pocu di u so pesu tremendu ma si pò dì chì disgraziatamente à listessu tempu, e forze fasciste di strema dritta piglianu una piazza di prima trinca sopra tuttu inde i quartieri pupulari di e cità è i paesi di muntagna culpiti da a disertificazione .
U votu anti immigrazione è anti àrabu principia à diventà oghje chì ghjè oghje in Corsica un votu cum’è l’altri ; à noi tutti, militanti antifascisti, ci tocca à fà rinculà sta pesta bruna .
Vulemu aghjustà dinò chì cunfidenza in François Hollande ùn nè avemu mancu stampa postu ch’ellu porta a ligna di un sucialu liberalisimu francese chì avia chjamatu à vutà di si à u trattatu liberale auropeu.
Avà ci tocca à noi, militanti è alittori di Manca, à participà à tutte e lotte in carrughju capace di rilancià un mudellu suciale degnu pà tutti i sfruttati di issa crisa di i capitalisti, in Corsica cum’è in altrò.
A Manca
Tags: alizzione prisidente francese sarkozy scunfitta ump