Prima di maghju : l’urgenza suciale è ecunomica contr’à l’indignità di i capiimpresa prufittatori di guerra
Bona festa internaziunale di e travagliadore è di i travagliadori !
A Manca adirrizza un’ pinseru particulare à a mimoria di i dui morti à ghjornu tombi sfruttati da i so patroni in u silenziu in i cantieri di isse tarre.
Sò belle poche l’urganizazione pulitiche à dinuncià è prupone di mette fine à issu scandalu.
Vulemu à contu nostru purtà sta vulintà di fà sente a so voce è fà ricunnosce sta vargogna internaziunale : milioni di travagliadori morenu di cattivi trattamenti pà arricchiscenu patroni chì si ne impippanu.
U mondu di u travagliu pare sempre più invisibilizatu à tutte e scale d’urganizazione di a sucetà. È u raportu capitale/ travagliu hè sempre più à favore di i patroni.
Mandemu dinò un’sustegnu maiò dinò à tutte quelle numarosissime chì à cumpetenze pare, toccanu sempre guasi 20% di menu cà l’omi.
Infine, A Manca face soia a rivindicazione di sparte è tassà i prufitti indegni di guerra ch’elli ammansanu i capiimpresa di u sittore di l’energie pitruliarie è gaziere.
In issu prima di maghju, l’urgente primura ferma a ghjustizia suciale è l’ecosucialisimu, puntelli indibbuliti di un’autentica dimucrazia spanticati da i guverni liberali-autoritari di issu mondu.
A Manca